الخميس، 4 يوليو، 2013

عارف انت


عارف انت
ايوة انت
يا اسمك ايه انت
ليك عندي كلمتين مهمين عاوزاك تسمعهم كويس مني
عارف انت 
قبل منك الدنيا كانت عاملة ازاي
كانت بهتانة ... زعلانة مني و مخصماني ...كنت بعتبرها ملونة علشان ارضيها :(
اتاريها كانت اسود بس 
اه والله من غير حتى ابيض :'(
بس عارف لما عرفتك ... عرفت يعني ايه الوان بجد
عرفت يعني ايه الفرحة بجد ..في حاجات صغيرة اوي انت بتعملهالي
:)
عارف انت 
لما تبقى عاوز تفرحني مش تدور على حاجة كبيرة تعملها
مش تدور على كلام كتير تقوله ...مش تدور على نجوم السما علشان تجيبها ... مش محتاج انت كل ده علشان تفرحني -_-
عارف انت 
لو عاوزني مبسوطة بجد
استمر في الحاجات الصغيرة الجميلة بتاعتك
افضل اسال عليا
افضل اهتم بيا
افضل محسسني بخوفك عليا :)
اظهر في الوقت اللي كنت فاكرة فيه اني حروح لوحدي وامشي جنبي حتى من سكات ... حبقى بتنطط  ساعتها من فرحتي بوجودك
قولي كلمة معناها اني حاجة مهمة عندك واعمل حاجة صغننة تاكدلي المعنى ده ^_^
انطق اسمي زي ما بحب اسمعه ...علشان منك بسمعه غير باقي الناس
بيبقى فاجأة احلى :)
هاتلي الوردة اللي بحبها من غير ما اقولك على نوعها ولا لونها و مش حسالك عرفت منين اني ححب دي 
علشان عارفة ان قلبك اللي عارفني اكتر مني هو اللي قالك <3
اسالني رايحة فين وحقابل مين وحرجع امتى وقولي في الاخر لو حتتاخري حاجيلك معنديش بنات تروح لوحدها بليل 
حتى لو معرفتش تجيني ححس بقلبك معايا بيحرسني و حخلي كلمتك ماشية جانبي تونسني
عارف انت :)
انا بحب كل حرف بتقوله ...بحب هزارك معايا ..تريقتك على طريقة كلامي ... ضحكك على حركات العيال بتاعتي ... مشاكستك ليا وسط الناس ... ولما اتقمص تيجي لوحدنا و تقولي متزعليش دانا بعمل كده علشان ميحسدوناش :D
عارف انت
انا كمان بحب اشاكسك
علشان بحب نرفزتك عليا خصوصا لما اخليك غيران :v 
بس لما بغير منصحكش تفضل واقف قدامي لاني ببقى خطر بجد
ولما بشوف البنات اللي معجبين بيك واللي بيجوا عاوزين يعرفوني علشان يعرفوا اشمعنى انا اللي اخترتها بزعل منك انت و اقولك فرحان بيهم >_<
وتقولي لو حبة موتيهم ولما اغمض عيني واتخيلني بموتهم بشوفني واقفة جنبك وماسكة فيك وبطلعلهم لساني واقول :P
يا مجانين
متتعبوش نفسكم وتسالوا ليه 
علشان ببساطة هو ليا وانا ليه
عارف انت :D
انا عارفة انت اخترتني ليه
بس مش حقول ليكونوا على الباب بيتصنتوا وواقفين ;)

هناك 4 تعليقات:

  1. نص جميل ..

    رسم البسمة على وشي و أنا بقرأه :)

    ردحذف
    الردود
    1. سعيدة انه عجب حضرتك
      و اشكرك بشدة على المرور والتعليق :)
      تحياتي

      ^_^ منة بنت سيد ^_^

      حذف
  2. عارفة انتى
    فرحانة جداااا انى لقيتك
    واستمتعت اوى اوى بكل كلمة كتبتيها
    :)))

    ردحذف
  3. ده جروب خاص بالبرامج الكمبيوتر والموبيل والتكنولوجيا

    https://www.facebook.com/groups/568371026593365/

    اتمنى انك تشرفينا

    ردحذف